Турската централна банка не донесе одлука за промена на основната каматна стапка која и натаму е 45 отсто.
Тоа е прва пауза по серијата повлекувања што се случија во периодот од минатиот јуни до овој јануари, пренесува германската новинска агенција dpa.
Турската централна банка агресивно ја зголеми основната каматна стапка од 8,5 отсто на 45 отсто меѓу јуни и јануари за да ја спречи високата инфлација и депрецијацијата на лирата. Банката ќе продолжи да ја заострува монетарната политика во случај на „значително и трајно влошување на изгледите за инфлација“, се вели во соопштението.
Тоа беше прва средба под водство на новиот гувернер на централната банка Фатих Карахан, кој на почетокот на месецот ја замени Хафиза Гаја Еркан. Еркан поднесе оставка поради обвинувања за наводно недолично однесување во нејзината канцеларија, јави ДПА.
Стапката на инфлација во Турција го достигна врвот во октомври минатата година, кога изнесуваше 85 проценти. Во јануари годинава застана на 64,86 отсто.