Германскиот енергетски гигант E.ON најави дека ќе ги зголеми инвестициите во Европа, а повеќето се планирани за Германија.
Германската компанија најави дека ќе инвестира 42 милијарди евра во периодот од 2024 до 2028 година, фокусирајќи се на енергетските мрежи и решенијата за енергетска инфраструктура. Компанијата очекува нејзината заработка да се нормализира во 2024 година.
Околу 70 отсто од инвестициите ќе бидат инвестирани во Германија, а 34 милијарди евра ќе бидат насочени за функционирање на енергетската мрежа.
Околу пет милијарди евра ќе бидат насочени кон енергетските инфраструктурни решенија на E.ON, а планирано е трошење и за проекти за дигитализација, воведување паметни броила и интелигентни решенија за полнење eMobility, објави компанијата.
E.ON е компанија со седиште во Есен, Германија, а е создадена во 2000 година со спојување на две компании кои се основани во 20-тите години на минатиот век. Има пазарна капитализација од 34 милијарди евра.