Кинескиот стартап Betavolt тврди дека пронашол револуционерна нова нуклеарна батерија, за која велат дека може да издржи 50 години без полнење.
Оваа мала „електрана“, помала од една пара, ја користи моќта на изотопите на никел-63 во распаѓање. Затоа Betavolt тврди дека неговото минијатурно чудо може континуирано да произведува струја до 50 години без потреба од полнење или одржување. Самоодржливата батерија е толку моќна во многу мало пакување, со димензии само 15x15x5 кубни милиметри, пренесува Бонитет.рс.
Бетаволт велат дека нивната иновација за атомска енергија, која веќе влезе во пилот тестирање, на крајот може да заврши во сите видови уреди, од медицински импланти и микропроцесори до беспилотни летала кои можат да летаат на неодредено време.
Револуција во складирањето енергија
Додека концептот на нуклеарни батерии постои од 20 век, претходните верзии развиени од советски и американски научници беа премногу големи и скапи за широка употреба. Според последниот петгодишен економски план на Кина, чија цел е зајакнување на технолошките способности на земјата, Betavolt сега постигна компактен, достапен дизајн кој би можел да го револуционизира складирањето енергија.
Првата верзија дава 100 микровати на три волти. Но, до 2025 година, Betavolt има за цел да го зголеми тоа на еден ват – доволно за да има вистинско влијание врз малата електроника кога се комбинираат повеќе батерии.
Батеријата е безбедна и еколошка
Она што му дава дополнителна вредност на овој изум е тоа што батериите се безбедни и еколошки. Тие немаат надворешно зрачење, можат да издржат екстремни температури од -60 до 120 степени Целзиусови и нема да се запалат или експлодираат ако се згмечат или продупчат.
Покрај тоа, по 100-годишниот животен век на изотопите на никел-63, тие се распаѓаат во безопасен, стабилен бакар кој не претставува закана за животната средина, пишува The Independent.
Фото илустрација:Pixabay
