Вештачката интелигенција беше искористена за управување со бизнисот во осум отсто од компаниите со 10 или повеќе вработени во Европската унија минатата година, објави Евростат.
Заводот за статистика на Европската унија посочува дека најголем дел од компаниите со 10 или повеќе вработени кои користат технологии за вештачка интелигенција има во Данска (15,2 отсто), Финска (15,1 отсто) и Луксембург (14,4 отсто).
Од друга страна, најмал удел е забележан во Романија (1,5 отсто), Бугарија (3,6 отсто) и Полска и Унгарија (по 3,7 отсто).
Вештачката интелигенција се однесува на системи кои користат технологии како што се пребарување текст, препознавање говор, генерирање природен јазик, машинско учење и длабоко учење за собирање или користење податоци за предвидување, препораки или донесување одлуки, пренесува Танјуг.
