Тенденциите за назначување луѓе на раководни позиции во најголемите светски компании се следните: искусни „воини“, доаѓаат од светот на финансиите, лесно менуваат компании и индустрии, а жени ги има сè повеќе.
Претходната недела е доказ за тоа. Три големи компании менуваат финансиски директори, а три нови лица се жени.
Последна во низата е Сара Фрајр која ќе ја преземе оваа улога во компанијата во подем – OpenAI, креатор на Chat GPT.
Искусни и од различни индустрии
Пред неа, минатата недела Alphabet, матичната компанија на Google, објави дека нов финансиски директор ќе биде Анат Ашкенази. Конгломератот LVMH пред неколку дена го донесе Сесил Кабанис за заменик и иден финансиски директор.
Сите три ги пополнуваат сите точки од почетокот на текстот. Сите тие се во зрели години и веќе водеа слични сектори.
Сите три ги сменија индустриите. Пред OpenAI, Фрајр беше извршен директор на Nextdoor, апликација или социјална мрежа за локалните заедници, а пред тоа работеше во финансиски гиганти како Goldman Sachs и McKinsey. Ашканази доаѓа во Гугл од позицијата финансиски директор на фармацевтскиот гигант Ели Лили, додека Кабанис работеше во корпорацијата за храна Данон пред LVMH.
Сите доаѓаат во тешки времиња за нивните компании. Првите две се компании кои прават пробив во индустријата за вештачка интелигенција, додека LVMH е во замав кога станува збор за промена на структурата на управување.
