Bugatti Tourbillon со V16 мотор има пакет инструменти направен од швајцарски производител на часовници и чини 3,8 милиони евра
Борбата на Bugatti против бранот електрични модели кои ја украдоа перформансната круна на Chiron започнува тука. Новиот Tourbillon на производителот е полесен, помоќен и многу побрз од хиперавтомобилот што го заменува, кој нималку не е бавен.
Bugatti го отфрли 8,0-литарскиот W16 кој во различни форми го придвижуваше секој модел откако Veyron ја рестартира познатата марка во 2004 година. Електричните експерти во Rimac, кои ја презедоа контролата над Bugatti во 2021 година, одлучија да не одат целосно со електричен погон со Tourbillon, но го искористија своето знаење за да создадат хибридна поставка со три мотори што речиси го удвојува вкупниот број на КС и обезбедува опсег од 60 километри само за струја.
Самиот V16 произведува огромни 1.000 КС, што практично одговара на моќноста на оригиналниот Veyron со W16 (1.001 КС), но тоа го прави без помош на четири турбо полначи. Сепак, хибридниот систем на Tourbillon го надминува тоа до 800 КС.
И за разлика од претходните модели на Bugatti од модерната ера, ова е она што навистина може испорача спектакл и задоволство за ушите. Старите автомобили со W16 беа одлични во перформансите, но звучеа прилично досадно. Новиот V16 прави бучава достојна за вкупно 1.800 КС и неодреден, но веројатно огромен вртежен момент.
Тоа не е огромен скок во однос на 1.500 КС генерирани од обичниот Chiron или 1.600 КС на Chiron Super Sport. Но, бројките за перформансите покажуваат дека Bugatti дефинитивно ја носи играта на следно ниво.
Брзина
Според официјалните податоци на Bugatti, Tourbillon е за 0,4 секунди побрз 100 км/ч од оригиналниот Chiron, а таму стигнува за 2 секунди. Но, во тој момент само што влегува во својот елемент. Со брзина од 300 км/ч, која ја достигнува за „помалку“ од 10 секунди, тој извлекува празнина од 3-4 секунди во однос на неговиот претходник.
И оттаму работите стануваат „луди“, Tourbillon постигнува 400 км/ч за „помалку“ од 25 секунди. На Chiron му беа потребни 32,6 секунди за да го стори истото, а на рекордерот на Rimac, Nevera, му се потребни 21,3 секунди.
Стандардната максимална брзина е 380 км/ч, истата која Chiron ја достигнуваше, но со промените постариот автиомобил достигна до 420 км/ч, Tourbillon ќе дозволи брзината да се движи до 445 км/ч.
Хиперавтомобил и хорологија
Брзината не хиперавтомобилот се прикажува на спектакуларен инструмент кластер и помага да се објасни името на новиот автомобил на Bugatti. Турбионот (Tourbillon) е уред измислен во 1801 година, кој сè уште се додава кај најексклузивните и скапи часовници, вклучувајќи го опционалниот часовник од 170 илјади долари во Bentley Bentayga, за да се зголеми прецизноста.
Се чини дека Bugatti всушност нема турбион часовник, но она што е важно овде е изјавата што ја дава за технологијата што трае. Додека секој друг производител на автомобили го следат трендот за целосно дигитални контролни табли кои сега изгледаат одлично, но ќе изгледаат застарени – ако сè уште работат воопшто – за 30 години, Bugatti се обидува да создаде нешто безвременско.
Затоа, кластерот со пет мерила, чија комбинирана фокусна точка за тахографот се наоѓа покрај мерачот за напојување што ги прикажува перформансите на моторот со согорување и електричните мотори, е речиси целосно аналоген. Единствената отстапка за дигиталната ера е малиот приказ на брзината во основата на подлогата.
Таен екран
Кога ќе изберете рикверц на осум-степениот менувач со двојна спојка во рок од две секунди се појавува портрет екран од врвот на контролната табла на кој се прикажува се што се случува зад вас. Истиот може да се активира независно од тоа и, за пет секунди, да имате конвенционален пејзажен дисплеј со целосен пристап на Apple CarPlay.
Остатокот од внатрешноста изгледа многу како онаа на Chiron, но има некои многу уредни детали. Едното е копчето на конзолата што се користи за да го стартувате Tourbillon што потсетува на класиците од почетокот на 20 век. Со влечење на истото се стартува V16 моторот, а туркањето го гасне. Електрично прилагодливите педали (седиштата се фиксирани) се уште еден белег, но најинтересен е воланот. Тој има два краци монтирани на 6 и 12 часот. Но, она што навистина го прави невообичаено е фиксниот центар и фактот дека краците се поставени зад инструмент кластерот, што значи дека знакчето на Bugatti секогаш останува исправено, а погледот на возачот кон инструментите никогаш не е блокиран од краците.
Екстериер
На крајот доаѓа екстериерот кој исто така носи убави изненадувања. Вратите сега се од диедрален вид, наместо да се отвораат како на лимузина. И ‘рбетот што се протега од носот до опашката сега е поизразен и вклучува бришач на шофершајбната поставен во средина, како автомобил на Ле Ман.
Препознатливата предница исто така е променета, позајмувајќи го изгледот од Mistral, а името на Bugatti на опашката е осветлено и вградено во сегментираната лента на LED светлата што ја следи горната контура на опашката.
Полесен од Chiron
На Tourbillon му треба сериозна технологија за земјени ефекти за да се одржи стабилен при неговата голема брзина бидејќи активното крило останува на исто ниво со телото за време на возење со голема брзина за да се намали отпорот. Излегува само за да ја зголеми потисната сила при (споредливо) помали брзини или да функционира како воздушна сопирачка.
Иако дизајнот е еволутивен, Bugatti тврди дека шасијата и структурата на каросеријата на Tourbillon се целосно нови. Батеријата од 25 kWh е вградена во карбонскиот монокок, а благодарение на неколку трикови Tourbillon тежи исто (1.995 килограми) како Chiron и покрај неговата додадена хибридна технологија.
Помалку автомобили, поголема цена
Bugatti изгради 500 Chiron единици, последниот автомобил кој излезе од линијата Молсхајм во мај, девет години откако автомобилот беше првпат откриен во 2015 година. Но, Tourbillon ќе биде двојно поредок. Производството е ограничено на 250 единици, со тестирање веќе во тек, а првите клиенти треба да ги добијат своите автомобили во 2026 година. Цената на Tourbillon е „само“ 3,8 милиони евра.
Преземено од Avtoplus.mk
