Русија ќе стане најголемиот снабдувач на гас во Кина кога линиите кон Сибир и Далечниот Исток ќе бидат целосно оперативни за помалку од три години, изјави извршниот директор на Гаспром Алексеј Милер, пренесува Anadolu.
„Далечната источна рута ќе биде лансирана во 2027 година со капацитет од десет милијарди кубни метри гас годишно. „Благодарение на сибирската и далечната источна рута, кога ќе го достигне целосниот капацитет, Русија ќе стане најголемиот снабдувач на гас за Кина“, рече Милер во соопштението.
Побарувачката на Кина за природен гас ќе продолжи да расте, додаде тој.
„Гасоводот ќе достигне извозен капацитет од 38 милијарди кубни метри гас годишно“, рече Милер.
Минатата година Гаспром забележа загуба за прв пат од 1999 година, а компанијата се обидува да ги диверзифицира извозните пазари за да ја компензира загубата на европскиот пазар.
