Мајкрософт вели дека Европската унија е виновна за најголемиот прекин на ИТ во светот во петокот, по неисправното безбедносно ажурирање.
Договорот од 2009 година на кој инсистира Европската комисија значеше дека Мајкрософт не може да направи безбедносни промени што би го блокирале ажурирањето од фирмата за сајбер безбедност Crowdstrike што предизвикало дефект на околу 8,5 милиони компјутери, вели големиот технолошки гигант во коментар за The Wall Street Journal ( WSJ).
Илјадници летови беа одложени или откажани, оставајќи ги патниците заглавени на аеродромите ширум светот, британската NHS услуга беше погодена и бесконтактните плаќања не функционираа.
Проблемот беше предизвикан од погрешно ажурирање на системот Falcon на CrowdStrike, кој е дизајниран да спречи сајбер напади. Компанијата има привилегиран пристап до клучен дел од компјутерот познат како кернел.
Мајкрософт има Windows Defender, своја сопствена алтернатива на CrowdStrike, но поради договорот од 2009 година да се избегне истрага за европска конкуренција, им дозволи на надворешните безбедносни провајдери да инсталираат софтвер на ниво на јадрото.
Од почетокот на 2000-тите, Европската комисија го обвинува Мајкрософт дека има неправедна предност во однос на другите компании поради популарниот софтвер Виндоус, потсетува Еуроњуз.
До 8,5 милиони Windows уреди беа погодени од прекинот, потврди Мајкрософт, велејќи дека тоа е помалку од 1 процент од сите машини што го користат софтверот. Сепак, се вели, има големи влијанија бидејќи CrowdStrike е широко користен од компаниите.
CrowdStrike рече дека „значителен број“ на засегнати компјутери се повторно на интернет и се извини за она што се случи.
