Изненадување за сите кои живеат во Лондон, но овојпат главниот град на Велика Британија не се најде во топ 10, туку го зазеде 13-тото место на таа листа.
Онлајн базата на податоци Numbeo во својот индекс на трошоците на животот, што го објавува на секои шест месеци, откри дека швајцарскиот град Женева има највисок резултат на вкупните трошоци на живот за првата половина од оваа година.
На листата која вклучува 218 градови, Скопје се наоѓа на 160 место според трошоците за живот. Споредено со земјите од регионот Скопје е поевтино од Анкара, Атина, Белград, Тирана, Загреб и Сараево, а поскапо од Ниш и Приштина.
Цирих на второ место
Цирих е на второто место, додека Њујорк е на третото, пренесува Sky News.
Изненадување за сите кои живеат во Лондон, но овојпат главниот град на Велика Британија не се најде во топ 10, туку го зазеде 13-тото место на таа листа.
Што се однесува до другите градови во Обединетото Кралство, Единбург беше рангиран на 30-то место – веднаш над Амстердам – додека Манчестер и Глазгов беа рангирани на 53-то и 54-то место соодветно.
Американските градови го сочинуваат мнозинството на врвот на рангирањето, со Њујорк на третото место, Сан Франциско на четвртото место, а по него е Бостон.
Рејкјавик, главниот град на Исланд, е на шестото место, додека остатокот од рангирањето во првите десет го заземаат американските градови Вашингтон, Сиетл, Лос Анџелес и Чикаго.
