Илон Маск останува на врвот на листата на најбогати луѓе, додека нестабилноста на технолошките акции предизвика промени во првите десет. Марк Цукерберг падна за едно место, додека Ворен Бафет го престигна Бил Гејтс.
На крајот на јули, промените во технолошките акции погодија повеќе од половина од првите десет најбогати луѓе во светот. Марк Цукерберг, извршниот директор на Мета, падна од четвртото на петтото место, додека Ворен Бафет, чие богатство порасна за речиси 10 милијарди долари, напредуваше од десеттото на седмото место од 1 август.
Бафет е меѓу двајцата од првите десет најбогати луѓе чија нето вредност се зголеми во последниот месец. Вториот и најголем победник е Илон Маск кој сè уште го држи првото место. Зголемувањето на цената на акциите на Tesla од 17 отсто во изминатиот месец го зголеми богатството на Маск за 19 милијарди долари, достигнувајќи речиси 241 милијарда долари на 1 август.
Најголем губитник меѓу првите десет богаташи во изминатиот месец беше францускиот магнат за луксузни производи Бернар Арно, кој беше најбогатиот човек во светот од февруари до крајот на мај. Неговото богатство е намалено за повеќе од 14 милијарди долари поради падот на акциите на LVMH за 9 отсто. И покрај загубите, Арно го задржа третото место меѓу најбогатите, со проценето богатство од 179,5 милијарди долари.
Поранешниот извршен директор на Мајкрософт, Стив Балмер, падна на десеттото место бидејќи неговото богатство се намали за 6,7 милијарди долари во изминатиот месец, што е резултат на падот на акциите на Мајкрософт за 6 отсто.
Вкупното богатство на десетте најбогати луѓе во светот сега изнесува 1,63 трилиони долари, што е намалување за околу 25 милијарди долари од минатиот месец.
Форбс ги следи светските милијардери од 1987 година и во април забележа 2.781 милијардери на својата годишна листа. Поради промените во цените на акциите, нето вредноста на најбогатите луѓе постојано се менува, а Форбс редовно ја ажурира листата на милијардери во реално време.
Клучни информации
Илон Маск, кој ја врати титулата најбогат човек на светот на крајот на мај 2024 година, го зголеми своето богатство за 19 милијарди долари во изминатиот месец.
Бернард Арно го задржува третото место на листата на најбогати, како и минатиот месец. Од февруари до крајот на мај беше најбогатиот човек на светот.
Ворен Бафет, сега на седмото место, се искачи од десеттото на почетокот на јули откако донира акции во вредност од 5,3 милијарди долари.
Девет од десетте најбогати луѓе се Американци, меѓу кои Џеф Безос, Лери Елисон и Бил Гејтс.
Сите членови на првите десет најбогати луѓе од 1 август се мажи, а секој од нив има богатство кое надминува 100 милијарди долари.
Најбогатата жена
Франсоаз Бетенкур Мејерс од Франција долго време ја носи титулата за најбогата жена во светот. Нејзиното богатство моментално се проценува на 88,4 милијарди долари, што ја прави 17-та најбогата личност во светот. Нејзиното богатство произлегува од уделот во козметичката компанија L’Oréal, кој го наследила од нејзината мајка. Основач на L’Oréal бил нејзиниот дедо, пренесува Forbes BiH.
