Според податоците на Државниот завод за статистика, бројот на туристите во јуни 2024 година изнесува 119. 751, од кои 23.0 % се домашни туристи, а 92. 219 или 77.0 % се странски туристи.
И во јуни како и во изминатите неколку месеци најбројни се туристите од Турција со дури 33.757, а по нив следуваат туристите од соседна Србија 7.909. Во првата петорка влекуваат и туристите од Холандија 4.340, Германија со 3.515 и Грција со 3.129 туристи.
Бројот на ноќевањата во јуни 2024 година изнесува 245 249, од кои 27.6 % се од домашните туристи, а 72.4 % од странските туристи.
Во периодот јануари – јуни 2024 година, во однос на истиот период од претходната година, бројот на туристите е зголемен за 11.1 %, и тоа: кај домашните туристи има зголемување за 3.3 %, а кај странските има зголемување за 14.4 %.
Во периодот јануари – јуни 2024 година, во однос на истиот период од претходната година, бројот на ноќевањата е зголемен за 9,9 %, и тоа: кај домашните туристи има зголемување за 6.3 %, а кај странските има зголемување за
11.8 %.