Генералниот директор на Светската трговска организација (СТО), Нгози Окоњо-Ивеала, ќе бара уште еден четиригодишен мандат за да ја „заврши работата“ почната во претходните четири години, обележани со бран бариери за меѓународната трговија и неуспешни обиди за ги суспендира патентите за производство на вакцини против Ковид-19.
-Сакам да бидам дел од тоа поглавје во приказната за СТО и подготвена сум да се натпреварувам за позицијата генерален директор, рече Окоњо-Ивеала, која беше назначена на чело на Светската трговска организација во февруари 2021 година.
Споед правилата на СТО, нејзината кандидатура се зема на разгледување доколку не се пријават други кандидати и доколку сите земји го прифатат тоа, забележуваат британските медиуми.
Окоњо-Ивеала е меѓу ретките лидери на СТО кои склучија глобални трговски договори, вклучувајќи го и првиот дел од договорот од 2022 година за намалување на субвенциите за рибарство.
Резултатите од годинашниот состанок на високо ниво сепак беа послаби и вклучија пристап на само две нови членки и откажување на договорот за откажување од дигиталните тарифи.
Работата е тешка и геополитичките тензии меѓу 166-те членки на СТО претставуваат значаен предизвик, нагласи Окоњо-Ивеала. -Тешко е, многу тешко.
Не можам да избегам од тоа, но тоа е работа што ме вади од кревет наутро, рече таа.
Апелацискиот суд на СТО за решавање трговски спорови во моментов е блокиран бидејќи Вашингтон го блокира назначувањето судии од крајот на 2019 година и мандатот на тогашниот претседател Доналд Трамп.
Актуелниот американски претседател Џо Бајден ја продолжи политиката на Трамп, но работи на предлог за реформи што на крајот би можел да создаде систем за решавање спорови.
