Вкупната побарувачка за летови во светот се зголеми за 8,6 отсто во август на годишна основа, објави во четвртокот Меѓународната асоцијација за воздушен транспорт (ИАТА).
Вкупниот капацитет, измерен во километри расположливи седишта, во август е зголемен за 6,5 отсто на годишно ниво, а факторот на оптоварување изнесува 86,2 отсто, што е рекордно високо ниво, објави здружението, јавува Anadolu Agency.
Во истиот период меѓународната побарувачка порасна за 10,6 отсто.
ИАТА, исто така, соопшти дека глобалните пазари за воздушно карго покажале континуиран силен годишен раст во август.
Вкупната побарувачка, мерена во товарни тони километри, во август е зголемена за 11,4 отсто во однос на истиот месец лани.
