Кристалина Георгиева, извршен директор на Меѓународниот монетарен фонд (ММФ), рече дека повисоките цени се тука да останат, а тоа го допринесува економската болка што произлегува од бавниот раст и високиот долг.
„Болката што сите ја чувствуваме затоа што цените се зголемија е тука да остане, а повисоките цени ги прават многу луѓе ширум светот прилично лути. Соочени сме со оваа непростлива комбинација на бавен раст и висок долг“, изјави таа на конференцијата во Бретон Вудс.
Сепак, таа смета дека светската економија има доста добри резултати, но дека загриженоста останува.
Таа посочи дека трговијата расте побавно од глобалниот раст.
ММФ денеска треба да објави ажурирани податоци за глобалниот раст. Георгиева не прецизираше колку треба да изнесува, но се очекува да биде повисока од три проценти.
Понатаму, ММФ проценува дека глобалниот реален БДП годинава ќе порасне за 3,2 отсто, а следната година овој раст ќе изнесува 3,3 отсто. Георгиева истакна дека климатските ризици им штетат на економските перспективи на одредени земји.
Конференцијата во Бретон Вудс во Соединетите Американски Држави е годишен состанок на ММФ и Светската банка.
Започна вчера и се очекува да привлече повеќе од 10.000 луѓе од министерствата за финансии, централните банки и граѓанското општество.
Се разговара за нерамномерниот глобален раст, за решавање на проблемот со долгот и за финансирање на енергетската транзиција, пренесува Ројтерс.
