Трендот на цените на комерцијалните недвижности, односно цената на канцелариските и малопродажните недвижности во Германија опаѓа, со цени пониски за 4,7 отсто во споредба со третиот квартал од 2023 година. Сепак, комерцијалните недвижности забележаа вкупен пораст од 0,7 отсто во споредба со вториот до третиот квартал од оваа година, објави банкарската асоцијација на Здружението на германските банки Pfandbrief VDP.
Но, секторот на недвижности во оваа земја сè уште се бори со најтешката криза во последните децении, според Ројтерс.
Порастот на цените на недвижностите во Германија беше поттикнат од цените на станбените недвижности, кои пораснаа за 1,1 отсто во споредба со претходниот квартал. На годишно ниво, пак, цените на станбените недвижности и натаму се малку пониски за 0,2 отсто, се вели во соопштението на ВДП.
„Неодамнешните случувања во цените на недвижностите во Германија се зрак светлина во инаку прилично предизвикувачко геополитичко и макроекономско опкружување, и на национално и на меѓународно ниво. Со оглед на севкупните услови, сметаме дека се уште е рано да се зборува за почеток на перманентен подем на пазарот на недвижности. Само развојот на индексот во наредните квартали ќе фрли светлина на тоа колку е всушност силна моменталната стабилизација на пазарот“, изјави извршниот директор на ВДП, Јенс Толкмит.
Наемнините според новите договори за куќи за повеќе семејни куќи повторно се зголемија во набљудуваниот квартал, како одраз на тековниот недостиг на станбен простор во Германија, се вели во соопштението на официјалната веб-страница на ВДП. Стапката на раст достигна 0,7 отсто за кварталот и 5,6 отсто за годината. Приносот на имотите за изнајмување мерени со индексот vdp за повисоки стапки се зголеми за 5,3 проценти на годишно ниво. Сепак, тоа беше најмалиот пораст на приносите од третиот квартал на 2022 година.
Во третиот квартал од 2024 година, цените на станбените недвижности во седум градски области се зголемија во просек за 1,1 отсто во споредба со непосредно претходниот квартал.
Според ВДП, цените на станбените недвижности најмногу пораснале во Франкфурт на Мајна, за 1,6 отсто, како и во Дизелдорф и Минхен, со раст од 1,5 отсто.
