Во последните десет години, центарот на Париз бележи значително намалување на бројот на жители. Се проценува дека околу 10.000 луѓе годишно го напуштаат овој дел од градот, а градските власти се обидуваат да го спречат овој негативен тренд, пишува Poslovni Puls.
Во границите дефинирани од сообраќаен прстен „Peripherique“, Париз моментално има 2,1 милион жители, што е за 140.000 помалку отколку во 2013 година. Во исто време, поширокиот регион Ил-де-Франс, кој го опкружува градот, е дом на повеќе од 12 милиони луѓе.
Одливот на население од најгусто населениот главен град на Европската унија ги загрижува градските власти. Градскиот совет подготвува расправа за новиот урбанистички план (ПЛУ), кој го предложи градоначалничката Ане Идалго заедно со нејзините политички сојузници. Целта на планот е да се зголеми квалитетот на животот во градот за да се запре заминувањето на семејствата и средната класа.
Главните мерки се насочени кон зголемување на достапноста на станови со пристапни цени и приспособување на градот на климатските промени. Но, предлогот на урбанистичкиот план предизвика жестоки критики кај опозицијата, пишува магазинот Форчн.
