Европските и американските берзански индекси денеска се главно во пораст, цените на нафтата и златото паднаа, додека инвеститорите ги оценуваат новите податоци за германската трговија и производство во Италија.
Управниот совет на Европската централна банка (ЕЦБ) минатата недела одлучи да ги намали трите клучни каматни стапки за 25 базични поени, така што депозитната стапка сега е 2,5 отсто, каматната стапка на операциите за главно рефинансирање е 2,65 отсто, а каматната стапка на маргиналниот кредитен капацитет е 2,9 отсто, објавија медиумите.
Овие промени, кои се во согласност со очекувањата на пазарот, ќе стапат на сила на 12 март, а добиените информации покажуваат дека процесот на постепен пад на инфлацијата е „на добар пат“, се вели во соопштението.
Монетарната политика станува значително помалку рестриктивна, намалувајќи ги трошоците за задолжување за бизнисите и домаќинствата, додава ЕЦБ.
Индексот на Франкфуртската берза DAX во 9:30 часот порасна на 23.052,45 поени, францускиот CAC 40 на 8.134,99 поени, московскиот MOEX на 3.200,95 поени, додека британскиот FTSE 100 падна на 8.668,35 поени.
Вредноста на американскиот берзански индекс Dow Jones се искачи на 42.801,72 поени пред отворањето на берзите во САД денеска, индексот S&P 500 на 5.770,20 поени, а вредноста на Nasdaq индексот на 18.196,22 поени.
Според сегашните берзански податоци, цената на суровата нафта падна на 66.927 долари, а на нафтата од типот брент на 70.246 долари.
Европските фјучерси на гас за април се тргуваа по 39 евра за мегават-час на отворањето на берзата ТТФ.
Цената на златото падна на 2.906,08 долари за унца, а цената на пченицата порасна на 5,3541 долари за бушел (бушел е 27,216 кг).
Вредноста на еврото во однос на доларот на берзата Forex изнесува 1,08126, што е за 0,16 отсто помалку од петокот.