Европската комисија се подготвува да објави песимистични прогнози за шпанскиот економски раст во периодот до 2014 година, пишуваат шпанските медиуми.
Комисијата предвидува пад на шпанскиот БДП за 1,5% во 2013 година, додека шпанската влада очекува пад од 0,5%.
Брисел не очекува раст на шпанската економија пред 2014 година, кога по нивните проценки би требало да порасне 0,5%.
Идната година активноста во економијата ќе се намали за 1,6%. Комисијата очекува и поголем буџетски дефицит и тоа 8% во 2012, 6% во 2013 и 5,8% во 2014 година, вклучувајќи ги и трошоците за докапитализација на банките.
Во третиот квартал, шпанската стапка на невработеност достигна рекордно ниво од 25%, додека активноста во производниот сектор во октомври се намали 18 месеци по ред и тоа со најбрзо темпо гледано од месец јули.
