Индустриското производство во еврозоната и Европската унија се намали во април првпат од крајот на минатата година, покажаа податоците од европскиот завод за статистика објавени во понеделникот.
На ниво на еврозоната, сезонски прилагоденото индустриско производство се намалило за 2,4 отсто во април во споредба со март, кога, според ревидираните податоци, забележало ист процентен раст, објави Еуростат. На ниво на ЕУ, се намалило за 1,8 отсто откако се зголеми за 1,9 отсто во март.
Податоците покажуваат дека производството во двете области се намалило првпат од декември.
Производството на нетрајни потрошувачки добра најмногу се намалило и во еврозоната и во ЕУ, за три и два отсто, соодветно.
Производството на енергија, исто така, значително се намалило во областа на заедничката европска валута, за 1,6 отсто во споредба со март. Секторот за капитални добра е, исто така, блиску, со пад на производството од 1,1 отсто.
Досега најголем месечен пад на индустриското производство е забележан во Ирска во април, за 15,2 отсто, според податоците на Еуростат. Следат Малта и Литванија, каде што се намали за 6,2 и 3 отсто, соодветно.
Најголем месечен раст на индустриското производство е забележан во Данска, за 3,5 отсто. Луксембург е исто така блиску, каде што се зголеми за 3,2 отсто. Следат Хрватска и Шведска, при што индустриското производство пораснало за 2,5 отсто во април во споредба со март. Романија била блиску и до Хрватска и Шведска во април, при што производството порасна за 2,3 отсто на месечна основа.
Годишната споредба покажува дека индустриското производство во еврозоната пораснало за 0,8 отсто во април, што сигнализира остро забавување во споредба со март, кога се зголеми за 3,7 отсто според ревидираните податоци.
Индустријата на ниво на ЕУ, исто така, забавила, при што растот на производството во април е за 0,6 отсто во споредба со истиот месец минатата година. Во март, пораснало за ревидираните 2,8 отсто.
Најголем раст во двете области во април е забележан кај секторот за нетрајни потрошувачки добра, за 6,1 отстот во еврозоната и за 4,1 отсто во ЕУ.
Производството на енергија во областа на заедничката европска валута речиси стагнирало откако порасна за 1,9 отсто во март.
Секторот за меѓупроизводи во еврозоната забележал пад на производството од 1,0 отсто, по скромен раст од 0,4 отсто во раната пролет.
Ирска забележа најголем годишен пораст на индустриското производство во април, за 18,4 осто, според извештајот на Еуростат. Финска, исто така, забележа двоцифрен раст, од 10,2 отсто.
Следи Хрватска, со раст на производството во април од 6,5 отсто во споредба со истиот месец минатата година. Во март, порасна за 3,2 отсто, според ревидираните податоци на Еуростат.
Данска забележа најголем годишен пад на производството во април, од 11,6 отсто. Следи Бугарија, со намалување од 10,5 отсто.
Фото Pixabay