Има одредени сектори во владиниот кабинет кои навистина се посветени кон капиталните инвестиции. Тоа треба секогаш да биде прв приоритет на секоја Влада – доколку немате исполнување на капиталните инвестиции, се поставува елементарно прашање: што таа Влада сторила во нејзиниот мандат? Доколку само распоредувала социјални трансфери, тие по дефиниција на нештата, мора и треба да бидат распределени, но капиталните инвестиции се нешто кое дефинитивно ја определува активноста на таа Влада и тој кабинет. Капиталните инвестиции немаат алтернатива, вели Трајан Ангелоски – претседател на Сојузот на стопански комори на Македонија во разговор за „Локално“.
Со оглед дека е изборна година, а растот и економијата секогаш се на удар кога во земјата има избори, во однос на тоа дали очекува менување на проекциите за раст на БДП до крајот на оваа и почетокот на следната година, Ангелоски предупредува дека досега имало влијание, меѓутоа како одминува времето, очекува економијата да станува се понезависна за разлика од политичките случувања и на тој начин, не би рекол дека очекувам дека претерано влијание од политички аспект на растот на БДП.
-Мислам дека ќе биде движен од капитални инвестиции, од инвестиции во приватниот сектор, од глобалните случувања во Европа и светот. Не сметам дека локалните политички случувања ќе имаат круцијална улога во растот на БДП, вели Ангелоски.