Кризата во автомобилската индустрија продолжува силно да го погодува германскиот „Бош“. Затоа најголемиот светски снабдувач на автомобилски делови има намера да намали уште неколку илјади работни места во својата клучна дивизија во Германија.
Имено, до 2030 година, има намера да елиминира 13 илјади работни места, а ова важи и за оние во некои помали подружници. Станува збор за фабрики кои се дел од одделот за мобилност на Бош, кој до неодамна вработуваше 70.000 луѓе.
Членот на менаџментот на Бош, Стефан Грош, изјави дека итно треба да работат на конкурентноста и да продолжат да ги намалуваат трошоците за 2,5 милијарди евра годишно. Тој тврди дека ова не може да се постигне без намалување на бројот на работни места. Според него, ова е болно, но нема друг начин.
Минатата година, Бош го намали бројот на работни места за 10.000 во своите фабрики за производство на автомобилски делови низ целиот свет. Од друга страна, синдикатот IG Metall е огорчен од намерата на Бош. Тие предупредија дека ова ќе предизвика социјална катастрофа.
Одделот за мобилност на оваа германска компанија генерира 60 проценти од нејзината вкупна продажба од 90 милијарди евра