Европските берзански индекси денес се во благ пораст, како и цените на нафтата и златото.
Како што објави CNBC, инвеститорите денес ќе ги следат најновите случувања меѓу Украина и Русија, поради предупредувањето на генералниот секретар на НАТО, Марк Руте, дека Европа мора да биде подготвена за војна.
Индексот DAX на Франкфуртската берза порасна за 0,5 проценти на 24.420,94 поени денес во 10:30 часот наутро, додека францускиот CAC 40 порасна за 0,01 процент на 8.085,12 поени, британскиот FTSE 100 за 0,03 проценти на 9.730 поени, а московскиот MOEX за 0,40 проценти на 2.760,95 поени.
Вредноста на американскиот берзански индекс Dow Jones порасна за 1,3 проценти на 48.700,75 поени, вредноста на индексот S&P 500 за 0,2 проценти на 6.900,68 поени, а вредноста на индексот Nasdaq за 0,3 проценти на 25.680,16 поени.
Европските фјучерси за гас за јануари беа продадени денес на отворањето на берзата TTF по цена од 27 евра за мегават-час.
Според моменталните податоци од берзата, цената на суровата нафта се искачи на 57,7 долари, а цената на нафтата од типот Брент на 61,3 долари.
Цената на златото се искачи на 4.340,13 долари за унца, а цената на пченицата се искачи на 5,1965 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,16966 долари, што е за 0,04 проценти повисока отколку на почетокот на тргувањето.