Приходите од нафта и гас на Русија во декември би можеле да бидат речиси преполовени во споредба со истиот период минатата година, објави Ројтерс.
Падот, на околу 410 милијарди рубљи (5,17 милијарди долари), е последица на пониските глобални цени на нафтата и зајакнувањето на рубљата, поради што месечните приходи паднаа на најниско ниво од 2020 година, објавува Ројтерс.
Приходите од нафта и гас сè уште се главен извор на финансирање за Кремљ, сочинувајќи околу една четвртина од вкупните приходи на федералниот буџет.
Во исто време, овој извор на приход е под зголемен притисок поради силниот раст на расходите за одбрана и безбедност од почетокот на целосната инвазија на Русија на Украина во 2022 година.
Значителен пад на приходите
На годишно ниво, приходите од нафта и гас се проценуваат на 8,44 трилиони рубљи (околу 105 милијарди долари), што е за речиси 25 проценти помалку од минатата година и под проекциите на руското Министерство за финансии. Овие проценки се базираат на индустриски и официјални податоци, според Ројтерс.