Овогодинешниот голем технолошки саем CES 2026 ќе се одржи од 6 до 9 јануари во Лас Вегас и ќе ги собере најголемите светски технолошки компании, кои ќе презентираат нови производи, чипови и софтверски решенија во текот на следните денови, со посебен фокус на вештачката интелигенција и роботиката.
Саемот официјално започнува на 6 јануари, но настаните за отворање и прес-конференциите започнуваат порано, вклучувајќи ги и главните говори од раководителите на Nvidia и AMD.
Се очекува дека технологиите за вештачка интелигенција ќе бидат присутни во речиси сите сегменти, од персонални компјутери до специјализирани процесори, објавува AP.