Денес, европските берзански индекси се нерамномерни, цената на гасот и нафтата порасна, додека фокусот на вниманието на инвеститорите е геополитиката и настаните околу Иран, како и започнувањето истрага против претседателот на Федералните резерви на САД, Џером Пауел.
Акциите на данскиот инвеститор во офшор ветерни електрани „Орстед“ скокнаа за 4,6 проценти во раното тргување откако американски судија пресуди дека компанијата може да продолжи со работата на проектот вреден 5 милијарди долари што претходно беше суспендиран од администрацијата на Трамп во декември, објави CNBC.
Денес во 11:00 часот, индексот DAX на Франкфуртската берза падна за 0,11 проценти на 25.382,43 поени, францускиот CAC 40 за 0,36 проценти на 8.328,13 поени, московскиот MOEX за 0,22 проценти на 2.696,20 поени, додека британскиот FTSE 100 порасна за 0,03 проценти на 10.143,25 поени.
Вредноста на американскиот берзански индекс Dow Jones порасна за 0,17 проценти на 49.590,20 поени, вредноста на индексот S&P 500 за 0,16 проценти на 6.977,27 поени, а вредноста на индексот Nasdaq за 0,26 проценти на 23.733,90 поени.
Европските фјучерси за гас за февруари беа продадени денес на отворањето на берзата TTF по цена од 31,1 евра за мегават-час.
Според моменталните податоци, цената на суровата нафта се искачи на 60.713 долари, а цената на нафтата од типот Брент се искачи на 65.073 долари.
Цената на златото падна на 4.588,26 долари за унца, а цената на пченицата на 5,1009 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,16704 долари, што е за 0,03 проценти повисока отколку на почетокот на тргувањето.