Тојота Мотор Корпорејшн го назначи Кент Кон за свој нов извршен директор.
Кон, кој моментално е финансиски директор на Тојота, ќе ја преземе функцијата извршен директор на 1 април, соопшти компанијата во петок. На таа позиција, тој го заменува Коџи Сато, кој беше назначен за извршен директор во 2023 година, а кој ќе стане потпретседател на одборот на директори и ќе ја преземе новосоздадената позиција директор за индустрија, пишува Блумберг.
Тојота соопшти дека го унапредила сегашниот финансиски директор поради итна потреба од зајакнување на профитабилноста. Во исто време, Сато ќе придонесе за насоката на пошироката автомобилска индустрија преку неговата улога како претседател на Здружението на производители на автомобили во Јапонија.
„Оваа промена на улогите има за цел да го забрза донесувањето одлуки во менаџментот како одговор на промените во внатрешната и надворешната средина“, се вели во соопштението на компанијата.
Најголемиот светски производител на автомобили сега очекува оперативен профит од 3,8 трилиони јени (околу 24 милијарди долари) во фискалната година што завршува во март 2026 година.
Тоа е повеќе од претходната прогноза од 3,4 трилиони јени, но сепак малку под очекувањата на аналитичарите, кои предвидуваа околу 3,9 трилиони јени.