Извршниот директор на водечкиот светски конгломерат за луксузни стоки LVMH, Бернар Арно, го назначи својот син Антоан во извршниот одбор на компанијата.
Тоа е уште еден знак дека тој има намера неговите деца да играат важна улога во иднината на компанијата, објави Блумберг.
Антоан (48), кој е задолжен за имиџот и одржливоста во LVMH Moët Hennessy Louis Vuitton SE, ќе им се придружи на својот татко и сестра Делфин (50) во одборот, се вели во соопштението.