Деловната активност во приватниот сектор на еврозоната порасна со најбавно темпо во последните 10 месеци во март, бидејќи војната на Блискиот Исток ги зголемува инфлациските притисоци и го загрозува економското закрепнување на Стариот континент, а пазарите веќе очекуваат Европската централна банка наскоро да ги зголеми каматните стапки, покажаа денес глобалните податоци на S&P.
Вредноста на композитниот индекс на менаџери за набавки (PMI), според прелиминарната „кратка“ проценка на агенцијата, падна во март од 51,9 поени во февруари на 50,5 поени, но остана над клучната граница од 50 поени што го одделува растот, или експанзијата, од падот на активноста или контракцијата.
Германија, најголемата економија во еврозоната, забележа пад на својот композитен индекс повеќе од очекуваното, иако остана во зоната на раст.