Фармацевтските компании одлучија да го одложат лансирањето на некои нови лекови во Европа, бидејќи индустријата се соочува со притисок од САД и промени во политиките за цени наметнати од администрацијата на американскиот претседател Доналд Трамп, според раководителите на фармацевтските компании.
Белата куќа се стреми да ги намали цените на лековите што се издаваат на рецепт во САД, кои обично се многу повисоки отколку во другите богати земји, објави Ројтерс.
Трамп тврди дека фармацевтската индустрија била неправедна кон американските потрошувачи и се обидела да им наплаќа на Американците исти цени како во другите земји, вклучително и во Европа.
Како резултат на тоа, производителите на лекови одлучија да го одложат лансирањето на некои лекови на европските пазари каде што трошоците за здравствена заштита се пониски, со цел да се избегне пад на цените на американскиот пазар од 700 милијарди долари.
„Ги гледаме првите знаци на доцнење во воведувањето на нови лекови во Европа“, рече Стефан Елрих, претседател на трговското тело Европската федерација на фармацевтски индустрии и здруженија и висок извршен директор во Баер.
Лансирањето на нови лекови на пазарите на ЕУ се намали за околу 35 проценти во последните 10 месеци откако беше воведена извршната наредба на Трамп.
Европските влади преговараат за цените што ги плаќаат нивните национални здравствени системи во обид да ги држат трошоците за здравствена заштита под контрола, пренесува Танјуг.