Цените на нафтата останаа на високо ниво и покрај објавата на американскиот претседател Доналд Трамп дека примирјето со Иран ќе биде продолжено, додека пазарите покажаа малку знаци за смирување на тензиите.
Нафтата од типот „Брент“ за испорака во јуни синоќа кусо се искачи над 100 долари за барел за првпат по околу една недела, пред да се спушти на 99 долари, што и понатаму претставува пораст од речиси 4 отсто во текот на денот. Американската референтна нафта „West Texas Intermediate“ (WTI) забележа поскромен пораст.
Утрово нафтата Брент се тргува по цена од 97,87 долари за барел, а американската нафта за 88,78 долари за барел.