На Волстрит, главните берзански индекси покажаа мешани знаци во среда, бидејќи инвеститорите балансираа помеѓу нов скок на цените на нафтата, одлуката на американскиот Фед за каматните стапки и очекувањата за објавувањето на заработката од четири големи технолошки компании по затворањето на пазарот.
Индексот Дау Џонс падна во среда за 280 поени или 0,57 проценти, на 48.861 поен, додека S&P 500 изгуби мали 0,04 проценти, на 7.135 поени, а Nasdaq порасна за исто толку, завршувајќи со тргувањето на 24.673 поени.
Индексите почнаа да осцилираат повеќе по објавувањето на соопштението на ФЕД кое откри дека одлуката за задржување на каматните стапки предизвикала најголема поделба меѓу гувернерите од 1992 година, поради неизвесноста околу зголемувањето на цените на енергијата поради превирањата на Блискиот Исток. Ова е веројатно последната седница на ФЕД под водство на Џером Пауел, кој на прес-конференцијата по редовната седница објави дека ќе остане во ФЕД како еден од гувернерите.