Во писмо до владата пред дебатите за буџетот за 2027 година, осум синдикати во Франција побараа пофер распределба на товарот за санација на јавните финансии.
Синдикатите наведуваат дека Франција денес е „земја со ниски плати“, каде што работата не е доволно платена, додека компаниите истовремено добиваат огромни субвенции и финансиска помош, објавува Фигаро.
„Социјалната регресија е масовна, квалификациите и искуството се игнорираат, Франција сега е земја со ниски плати. Проблемот не е што работата чини премногу, туку што е недоволно платена“, се наведува во заедничкото писмо на лидерите на осум француски синдикати упатено до францускиот премиер Себастијан Лекорни.