Италијанската банкарска групација „Уникредит“ продолжува да ја зајакнува својата позиција во германската „Комерцбанка“, откако акционерите дополнително ѝ ги понудија своите акции како дел од тековната понуда за преземање.
Според податоците од Милано, до 9 јуни, акционерите понудиле околу 10,91 процент од акциите на „Комерцбанка“ како дел од понудата на „Уникредит“, што значи дека сопствениците на тие акции се согласиле да ги продадат, но трансакцијата сè уште не е завршена.
Доколку сите понуди се реализираат, „Уникредит“ би можел да го зголеми својот вкупен удел во „Комерцбанка“ од 26,77 проценти на 37,68 проценти, објавува „Виршафтсвое“.