Шестте најголеми светски компании за нафта и гас речиси го дуплираа својот профит во вториот квартал од 2026 година, додека многу делови од светот се соочија со топлотни бранови, суши и пожари, според анализата на „Оксфам Новиб“.
Според организацијата, „Шел“, „БП“, „Шел“, „Ени“, „Ексон Мобил“ и „Тотал Енерџи“ го зголемија својот комбиниран нето профит од 23 милијарди долари во првиот квартал на 45 милијарди долари во вториот квартал од 2026 година.
„Оксфам Новиб“ проценува дека овие шест енергетски гиганти ќе остварат профит од околу 147 милијарди долари во текот на 2026 година, што е значително повисоко од претходната проценка од 93 милијарди долари, објавува „НЛ Тајмс“.
Организацијата пресмета дека ова одговара на просек од околу 17 милијарди долари профит дневно во текот на целата година.
Шесте најголеми производители, исто така, планираат да го зголемат производството на нафта и гас за 14 проценти до 2030 година во споредба со нивоата од 2024 година.
Оксфам предупредува дека енергетските компании бележат рекордни профити во време кога милиони луѓе страдаат од екстремни временски настани, вклучувајќи топлотни бранови, пожари и суши, што организацијата ги поврзува со климатските промени предизвикани од согорувањето на фосилни горива.
Некои европски земји, вклучувајќи ги Германија, Италија, Шпанија, Португалија и Австрија, се залагаат за повисоко оданочување на вонредните профити на енергетските компании.
Холандија сè уште не се приклучи на оваа иницијатива, иако за време на енергетската криза во 2022 година воведе дополнителен данок на профитот на нафтените и гасните компании, со што се собраа околу 3,2 милијарди евра за државниот буџет.