Стапката на инфлација во Хрватска, мерена според индексот на потрошувачки цени, во јули изнесуваше 3,9 проценти на годишна основа, додека беше за 0,2 проценти пониска отколку во јуни, потврди во петокот Државниот завод за статистика (ДЗС) во својата втора проценка.
По забавувањето на 4,5 проценти на годишна основа во јуни од 5,2 проценти во мај и 5,8 проценти во април, забавувањето на инфлацијата продолжи трет месец по ред.
Според главните компоненти на индексот, цените на енергијата се зголемиле за 12,1 процент, услугите за 8,5 проценти, а храната, пијалоците и тутунот за 0,5 проценти.
Цените на индустриските непрехранбени производи, без енергијата, се намалиле за 1,1 процент.
Во споредба со јуни, објави Хина, цените на услугите се зголемиле за 1,5 проценти, енергијата и храната, пијалоците и тутунот за 0,4 проценти за секоја компонента.
