Цената на нафтата од типот Брент порасна денес во 9:30 часот наутро за 1,24 проценти на 91.642 долари за барел, а лесната нафта WTI за 1,39 проценти на 87.002 долари.
Танкерот, чиј идентитет не е официјално објавен, бил погоден од три непознати ракети додека пловел низ Ормутскиот теснец, објави британската агенција UKMTO.
Инцидентот се случил во јужниот бродски коридор, во близина на брегот на Оман, а нема пријавени жртви, пренесува CNBC.
Сепак, САД и Иран засега испраќаат сигнали дека не сакаат враќање на целосна војна.
Иранскиот претседател Масуд Пезешкијан изјави дека официјален Техеран е подготвен да се врати на своите обврски од јунскиот договор доколку Вашингтон го преземе истиот чекор.
Германскиот берзански индекс DAX падна за 0,32 проценти, британскиот FTSE 100 за 0,27 проценти, московскиот MOEX за 0,15 проценти, додека францускиот CAC 40 порасна за 0,41 проценти, а миланскиот FTSE MIB за 0,05 проценти.
Европските фјучерси за гас за октомври беа продадени денес на отворањето на Амстердамската берза TTF по цена од 70.160 евра за мегават-час.
Вредноста на еврото во однос на доларот на Форекс берзата денес е 1,16022 долари.
Цената на златото падна на 4.428,68 долари за тројанска унца, а цената на пченицата се искачи на 7,6126 долари за бушел (еден бушел е еднаков на 27.216 кг).