Државната енергетска компанија на Обединетите Арапски Емирати (ОАЕ) „Абу Даби Национал Оил Ко“ (ADNOC) купи милиони барели сурова нафта од ирачката државна нафтена компанија СОМО по намалена цена, соопштија три добро информирани извори.
Во август и првата половина на септември, ADNOC, преку трговскиот оддел, беше најголемиот купувач на ирачка нафта, соопштија извори од ирачкиот енергетски сектор.
Купувањето на ADNOC го зголеми ирачкиот извоз, кој беше значително намален во претходните месеци поради војната на Блискиот Исток, забележува Ројтерс.
Компанијата од ОАЕ се согласи во август да купи 32 милиони барели ирачка нафта, со попусти од 24,9 до 27 долари за барел. Тие купија уште 40 милиони барели нафта во септември, вклучувајќи 10 милиони барели со попуст од 18 долари за барел и 30 милиони барели со попуст од 25 долари, рече еден од ирачките извори.
Иако ирачкиот SOMO одвои 32 милиони барели на ADNOC за август, енергетскиот гигант од ОАЕ натовари само 20 милиони барели поради ограничувањата на извозот и неможноста на компанијата за нафта Басра да обезбеди доволно сурова нафта, рече друг ирачки извор.
Од почетокот на септември, ADNOC натовари 14 милиони барели ирачка нафта, додаде тој.
Трет извор, од друга страна, изјави дека ADNOC купил околу 20 милиони барели сурова нафта од ирачкиот SOMO преку тендер, со попуст од 25 до 27 долари за барел, за испораки во периодот од септември до октомври.