Биотехнолошката компанија BioNTech, позната по производството на вакцина против коронавирусот во соработка со Pfizer, објави дека по неуспешните обиди за продажба има намера да затвори три производствени погони во нејзината матична Германија, што ќе влијае на 1.800 работни места.
BioNTech објави затворање на своите погони во Тибинген, Марбург и Идар-Оберштајн бидејќи не е пронајден купувач кој ќе ги преземе.
Фабриката во Тибинген, пишува Хина, ќе се затвори во 2027 година, онаа во Марбург на почетокот, а онаа во Идар-Оберштајн на крајот од 2028 година.
Заедно со својот американски партнер Фајзер, BioNTech беше првата компанија што доби лиценца за продажба на вакцини против COVID-19, заработувајќи милијарди евра од продажбата, забележува новинската агенција dpa.
Германската компанија на тој начин стана светско име, но побарувачката за вакцината против коронавирусот слабее со години, а нови производи не се пласираат на пазарот. Меѓу главните причини за неуспешната продажба на фабриката, менаџментот ги истакна моменталните неповолни пазарни и инвестициски услови.
Уште напролет, тие објавија дека повеќе немаат намера да управуваат со тие капацитети поради прекумерни капацитети, нивно лошо искористување, потребното намалување на трошоците и свртување кон онкологија.
Можноста за продажба на трите локации, како што изјави BioNTech, беше испитана од внатрешни експерти и професионални посредници.
Контактирани беа меѓународни, домашни и средни компании и инвеститори, вклучувајќи ги и оние кои се активни во производството на информативна РНК (mRNA), антитела и плазмиди, како и во клеточна и генска терапија.
