Американскиот инвестициски конгломерат „Беркшир Хатавеј“ ќе инвестира дополнителни 330 милиони долари во италијанската технолошка компанија „Бендинг Спунс“, зголемувајќи го својот удел во сопственост на четири проценти, објави компанијата во среда.
Новата инвестиција доаѓа по инвестицијата од 600 милиони долари на „Беркшир“ во првичната јавна понуда на „Бендинг Спунс“ во јули.
Италијанската компанија сега ќе издаде десет милиони нови акции по цена од 33 долари, а собраниот капитал е наменет за понатамошен развој на бизнисот и идни аквизиции.
Акциите на „Бендинг Спунс“ пораснаа за повеќе од 40 проценти за време на тргувањето во среда, додека пазарната капитализација на компанијата достигна приближно 35 милијарди долари, објавува „Фајненшл тајмс“.
„Бендинг Спунс“, со седиште во Милано, во последниве години прерасна во значаен европски клиент на дигитални компании. Нејзиниот бизнис модел се базира на преземање на воспоставени интернет платформи и апликации и реорганизација на нивното работење со цел да се зголеми профитабилноста.
Меѓу најпознатите компании што ги презеде се Evernote, WeTransfer, Vimeo и AOL.
Инвестицијата на Berkshire Hathaway дополнително го привлече вниманието на инвеститорите бидејќи стратегијата на Bending Spoons се потпира на купување на постоечки бизниси и создавање вредност преку нивно долгорочно управување, пристап по кој е познат американскиот конгломерат.