Најголемите европски економии не се нужно најбогатите по глава на жител. Според овој индикатор, неколку од најмалите земји на континентот ги надминуваат економските сили како што се Германија, Франција и Обединетото Кралство.
Оваа визуелизација ги рангира европските земји според номиналниот бруто домашен производ (БДП) по глава на жител, користејќи ги проекциите за 2026 година од октомвриското издание на извештајот на Меѓународниот монетарен фонд за светските економски перспективи. Износите се изразени во тековни американски долари, според пазарните девизни курсеви.
Номиналниот БДП по глава на жител се добива со делење на вредноста на економското производство со бројот на жители, но тој не ја претставува просечната заработка или богатство на поединецот.
Европски економски центри
Шест европски земји имаат БДП по глава на жител поголем од 100.000 долари: Лихтенштајн, Луксембург, Ирска, Швајцарија, Норвешка и Исланд.
Германија, најголемата економија во Европа според вкупниот БДП, е рангирана на 12-то место со 65.699 долари по глава на жител. И покрај огромната вредност на економскиот производ, значително поголемата популација ја рангира далеку под помалите европски економии со висок приход по глава на жител.
Табелата го прикажува рангирањето на европските економии според проектираниот БДП по глава на жител во 2026 година.
| Ранг | Земја | БДП по жител (2026) |
|---|---|---|
| 1 |  Лихтенштајн | 230.417 долари |
| 2 |  Луксембург | 155.733 долари |
| 3 |  Ирска | 127.837 долари |
| 4 |  Швајцарија | 124.478 долари |
| 5 |  Норвешка | 115.188 долари |
| 6 |  Исланд | 107.464 долари |
| 7 |  Данска | 82.714 долари |
| 8 |  Холандија | 78.535 долари |
| 9 |  Сан Марино | 70.662 долари |
| 10 |  Шведска | 69.244 долари |
| 11 |  Aвстрија | 67.020 долари |
| 12 |  Германија | 65.699 долари |
| 13 |  Белгија | 64.774 долари |
| 14 |  Обединето Кралство | 61.108 долари |
| 15 |  Финска | 60.156 долари |
| 16 |  Aндора | 53.988долари |
| 17 |  Maлта | 52.149 долари |
| 18 |  Франција | 51.448 долари |
| 19 |  Италија | 45.886 долари |
| 20 |  Kипар | 44.477 долари |
На спротивниот крај од рангирањето е Украина, чиј БДП по глава на жител е само 7.075 долари. Земјата претрпе остар пад на економската активност по почетокот на целосната руска инвазија во 2022 година, а производството сè уште не е целосно закрепнато.
