Во Париз, Франција, од 21 до 25 октомври се одржа светскиот саем за храна СИАЛ 2012. На саемот што се одржува еднаш на две години, оваа година учествуваа приближно 5.900 фирми од над 100 земји, а го посетија 140.000 посетители.
Макпрогрес беше единствената компанија од Македонија која се престави на овој меѓународен саем. Макпрогрес ги презентираше производите од брендовите Винчини и Армониа. На овој саем, македонската компанија воспостави контакти со повеќе потенцијални купувачи, добавувачи, и оствари средби со веќе постоечки деловни коминтенти од целиот свет.
Саемскиот настап е важен елемент за унапредување на продажбата и за успехот на една компанија надвор од својата земја.
