Нептун Македонија за своите лојални потрошувачи креираше понуда за кредитирање. Oд 20 февруари, потрошувачите можат да добијат инстант кредит во сите продавници на Нептун само со Happy лојалната картичка, лична карта, потврда за вработување и лични примања.
Сите државјани на Македонија од 18 до 72 години можат да купат сé што сакаат во Нептун до износ од 120.000 денари и со максимален рок на исплата до 36 месеци. Целата процедура трае не повеќе од 10 минути и потрошувачите можат веднаш да го купат својот омилен телевизор, лаптоп, музички уред или бела техника.
“Имајќи во предвид дека станува збор за производи кои се купуваат еднаш во пет или 10 години, зошто да не ги купиме најдобрите, оние кои ќе ни овозможат комплетно задоволство. Новиот Happy потрошувачки кредит е креиран според потребите на нашите лојални потрошувачи, кои и самите веќе извесен период бараа нешто слично“, изјавија од Нептун Македонија.
Истовремено, Нептун Македонија нуди и уште еден новитет заедно со Уника Осигурување, а тоа е нов производ: осигурување на техничка стока купена во продавниците на Нептун. Со производот се осигуруваат сите ризици врзани за техничката стока, како кршење заради паѓање или кражба. Овој продукт е особено атрактивен за производи кои се најподложни на кражба и на кршење, а кои сега можат да се осигураат на период од една, две или три години во зависност од желбата на потрошувачите.
Со овие активности Нептун ја потврдува својата грижа за потрошувачите – обезбедувајќи им можност да ги користат омилените технички производи уште денес и обезбедувајќи им поголема сигурност дека ќе ги користат истите подолг временски период.
