По повод третиот роденден на ЏаБест, ОНЕ ги наградува припејд корисниците со воведување на атрактивна промоција во тој сегмент.
Од денеска, сите ЏаБест и ОНЕ припејд корисници ќе можат да ја активираат роденденската промоција и за своите 100 денари да добијат 400 денари, односно четири пати повеќе кредит за користење.
Со промоцијата секој припејд корисник ЏаБест и ОНЕ кој има најмалку 100 денари на својата сметка, може да ја активира оваа понуда и за 100-те денари да добие дури 400 денари кредит.
Доделениот кредит од 400 денари корисникот може да го користи во период од 10 дена за речиси сите услуги што ОНЕ ги нуди на своите припејд корисници: разговори кон сите мрежи, SMS, MMS, интернет и неделни и месечни пакети за разговори и интернет од актуелната понуда на ОНЕ.
Понудата е достапна за сите приPејд корисници на мобилната телефонија на ОНЕ и ЏаБест и истата може да се активира на секои 10 дена, со јавување на бесплатниот број 1450, испраќање SMS на бесплатниот број 181 со текст 400 START или во сите продажни места на ОНЕ.
“Ние во ОНЕ сме особено горди на ЏаБест. Три години по лансирањето ЏаБест незапирливо го освојува пазарот, неговата платформа секојдневно расте, а во ЏаБест друштвото се сите оние кои успеаја да ги препознаат неговите единствени придобивки и оригиналноста на брендот. Денес, да се биде ЏаБестер е “ИН” бидејќи ЏаБест не е само бренд туку и тренд меѓу младите, стил на живот и припадност и синоним за успешен бренд”, изјави Виктор Доневски, главен маркетинг директор во ОНЕ.
Инспириран од комуникациските навики и животниот стил на младите, ОНЕ го лансираше ЏаБест на 23 мај, 2012 година, како нов и иновативен припејд производ наменет за младата популација, но и за сите оние кои се чувствуваат млади во духот.
