Њујоршкиот ресторан The Serendipity 3, во своето мени вклучува бројни екстравагантни и класични американски рецепти, а од неодамна тука се најде и најскапиот сендвич на светот.
Ресторанот е познат и по рецептот за Frrrozen Hot Chocolate (замрзнато топло чоколадо) но, и по најскапиот хот – дог на светот.
Името на сендвичот е Quintessential Grilled Cheese, а вклучува шампањ, јастог и масло од тартуфи, а на краевите се наоѓа 24-каратно злато.
“Лебот за сендвичот се пече со Dom Perignon, бело масло од тартуфи и злато. Потоа, се става путер во кој што се има бели тартуфи, а потоа додаваме сирење cariocavallo, кое е навистина многу ретка сорта”, објаснува главниот готвач Џои Калдерони, чија специјалност се сирењата.
Сендвичот, чија цена е 214 долари, мора да се нарача 48 часа однапред за да има доволно време да се подготви.
