Ily претставува таканаречен семеен телефон, којшто на едноставен начин ги поврзува сите членови на семејството без оглед каде се наоѓаат.
Овој уред многу лесно се поврзува со други Ily уреди, како и со паметни телефони, таблети и компјутери преку апликација. На корисниците им овозможува едноставно и лесно комуницирање со видео и аудио разговори, текстуални пораки, фотографии или видео снимки.
Идејата за овој семеен уред е на дизајнерското студио Insensi, составено од млади дизајнери и инженери.
Екранот на допир овозможува едноставно користење, вградените звучници нудат безпрекорен звук, а безжичната комуникација му ја дава потребната мобилност на овој уред.
Цената на Ily во предпродажба е 199 долари, но има и опција да се порачаат 2 по цена од по 189 долари, или пак три уреди за по 185 долари.
