Розовото злато коешто се сретнува под термините Pink или Rose Gold беше популарно во почетокот на 19-от век во Русија, па според тоа истото се нарекуваше и руско злато.
Со доаѓањето на новиот милениум, овој благороден метал стекна нова популарност и истиот освен за накит почна да се користи и како моден додаток на часовници и мобилни телефони.
Розовото злато е всушност легура на злато и бакар и најмногу се користи за изработка на специјализиран накит.
Чистото жолто злато е премногу меко за да се носи како такво, па затоа истото се меша со различни метали како сребро, паладиум, бакар, никел и цинк, коишто ја додаваат потребната стабилност и цврстина.
Она што ја одредува бојата на златото е видот на металот и процентот на неговата застапеност.
Така, популатното розово злато е легура составена од 75% злато, 20% бакар и 5% сребро. Тоа најчесто е 14 или 18 каратно, а двете легури имаат ист процент на чисто злато како и самото жолто злато.
Зошто е толку посакувано?
Топлите пастелни тонови се неутрални и одговараат на секој тип на кожа, коса и боја и очи.
Розовата нијанса може да се комбинира со останатите неутрални пастелни тонови, силно обоени тонови како темно виолетова, зелена, сина…
Тоа е еден мост помеѓу жолтото и белото злато и совршена подлога за дијаманти и останати обоени благородни камења.
Меките тонови одговараат на сите стилови од винтиџ до модерен.
