Моментално најскапиот дом во САД, којшто се наоѓа во Источен Хемптон, Њујорк се продава за неверојатни 160 милиони долари.
Имотот е наречен Briar Patch, а за прв пат е изграден во 1931 година. Неколку децении подоцна, во 1990 година е целосно реновиран без да го загуби стилот од 30-те години.
Главната куќа којашто е опкружена со зеленило, се наоѓа близу мало езерце и има прекрасен поглед на Атлантскиот Океан.
Располага со три ката или 956 метри квадратни простор, каде се сместени шест спални соби, четири камини, библиотека, соба за вежбање…
Имотот вклучува и гостинска куќа со четири спални соби, приватна галерија, конзерваториум како и базен со џакузи во дворот.
