Фото: Pixabay
Тиквата е многу здрава намирница, но нејзините семки се одлична замена за сите нездрави грицки.
Тие го штитат организмот од разни болести, а нивното благотворно дејство се должи на квалитетните состојки што ги содржат како што се: магнезиум, калциум, калиум, железо, цинк, витамин К, протеини, влакна и фосфор.
Семките најдобро е да се јадат непреработени, може и печени во рерна (15 минути), но температурата да не премине повеќе од 170 степени.
Еве од што се ве штитат:
Се борат против рак
Германски и шпански научници во различни истражувања открија компонента во семките што се бори против канцерогените келии од различен тип и дека истите имаат и антивоспалително дејство.
Го намалуваат холестеролот
Според истражувањата, семките од тиква го намалуваат нивото на лошиот холестерол за 13%, а нивото на вкупниот холестерол за 10%. Со тоа го намалуваат ризикот од срцеви заболувања и го регулираат притисокот.
Штитат од дијабетес
Богати се со здрави незаситени масни киселини и поради тоа се ефикасни во регулирање на нивото на шеќер во крвта.
Се борат против депресија
Тие се добри и за психичкото здравје, ги намалуваат симптомите на депресија, нивото на стрес и анксиозност.
Спречуваат појава на остеопороза
Семките од тиква се одличен извор на цинк, минерал потребен за добро здравје на коските. Една четвртина шолја семки содржи 17% од дневната препорачана доза на цинк.
