Хрватскиот концерн Агрокор преку Сбербанк му даде на Меркатор гаранција од 18 милиони евра кои ќе останат кај словенечкиот трговски ланец доколку продажбата не се реализира, пишува Финанце.
Сега се чека Меркатор да ги репрограмира кредитите, што би требало да се случи во октомври. Во меѓувреме од словенечката компанија порачуваат дека се задоволни од издавањето на 6,6 милиони евра вредните петмесечни комерцијални записи.
Резултатите од своето финансиско работење во првата половина од оваа година Меркатор ќе ги објави на крајот на август.