Акционерите на Tesla се подготвуваат за своите најслаби квартални резултати во последните седум години оваа недела, бидејќи компанијата се бори со забавување на побарувачката и брутална војна со цените.
Инвеститорите, исто така, сакаат да знаат дали компанијата на Илон Маск е во средина на голема промена во насоката, по извештаите дека ги забавува плановите за поевтин електричен автомобил од 25.000 долари – познат неформално како Модел 2 – во корист на фокусирање на автономни „роботакси“, пренесува Фајненшл Тајмс.
Маск негираше дека имало промена на планот за Model 2, но исто така рече дека фокусот на автономијата е „следниот логичен чекор“. Тој минатата недела најави дека Tesla роботакси ќе биде лансирана на 8 август. Инвеститорите се незадоволни поради постојаното опаѓање на цената на акциите, разочарувачките продажби и планот за преселување на седиштето на компанијата од Делавер во Тексас.
Тие се соочуваат и со дилемата дали Tesla ќе стане производител од големи размери или помал снабдувач на автономна технологија. Аналитичарите оценуваат дека одговорот на прашањето дали е добар потег зависи пресудно од тоа што носи преминот кон автономно возење.